Agencies, 11 November: Somali hospital aro police sources pora kowah toh, Friday din Mogadishu jaga laga hotel pahar area deh bomb blast howah pora manu khan mora toh 53 hoise. Etu time deh manu khan toh 100 pora be besi jokhom powah thakise koise. Senior Somali police officer, Capt. Mohamed Hussein pora kowah toh, besi jun jokhom powah toh ektum bhaynaak thakise. Etu pora manu mora toh othibo pari koikena janaise. Hussein pora etu khobor janaideya toh hospitals pora janaideya ke janaideya laga ase. Madina hospital laga ekta nurse Ahmed Yusuf pora kowah toh, Saturday din jokhom pai kena ahhethaga khan ke Mogadishu’s hospitals pora saise (treat). Friday din phalli Mogadishu, capital laga ekta hotel pahar area deh Islamic pethormanu pora jarta car bombs korise. Hotel laga agae deh tinta bomb putha bechide jokhom powah khan ke bachabole kori thaga time deh jarta wala bomb blast howah ase. Etu pora manu khan jokhom powah nahoile mora toh otha laga ase. Somalia’s Islamic pethor manu al-Shabab pora etu hamla toh tai khan pora kora ase koise.
Add Comment