December 13, 2024: Actor Mohan Babu para video journalist keh maff mangi shae, alleged assault karne. Etu alleged assault tho ekta physical jakara time deh hui shae, taila Hyderabad ghor bahar deh. Actor para tai tho khali “anti-social elements” para nijor keh bajai taki shae kui shae. Tai nijor keh baja time deh media tho situation deh gusi jai shae kui shae.
Mohan Babu, Friday din, X deh jai shae aro ekta formal apology share kuri shae. Etu apology tho media company keh address kuri shae, kuteh journalist tho kam kureh. Tai para incident tho “unfortunate” ase kui shae aro taila “regret” janai di shae. “Ekta personal kandan laka jamala tho dangor situation deh hui jah tho muila mun keh bikai di shae.” Mohan babu para tai tho health reasons karne hospitalized hui shae kui shae, nahoileh tai agae para maff mangi bo taki shae kui shae.
Actor para 30-40 jun taila ghor deh joborjost gusi jah tho tai gusa hui jai shae kui shae aro enaka time deh journalist keh jokom kuri di shae kui shae. Tai para etu piche deh journalist, taila kandan aro taila media company keh maff mangi shae aro taike ekta speedy recovery b wish kuri shae.
Add Comment