Tripura, 17 June : Mohan Foundation official para Agartala Government Medical College (AGMC) aru GBP Hospital te laga organ transplant programme shuru kori dise, April 17 te institution logot Memorandum of Understanding (MoU) sign korar pichor para.
Programme rollout laga hissa te, Vincent Debbarma ke Tripura laga state coordinator hiseb te appoint kora hoise, aru taike 1 June pora official duty loise. Taike etiya specialised training diya jaitase, aru hospital bitore ekta dedicated office space bhi diya hoise jate Mohan Foundation laga kaam smoothly cholibo pare.
Programme laga implementation monitor aru guide koribole ekta steering committee gathana kori ase, juntu State Organ and Tissue Transplant Organisation (SOTO), Tripura logot milikene kaam koribo. Eitu committee programme laga pura operation dekhibo aru state te thaka healthcare professional khan ke transplant procedure regular koribo karone encourage koribo.
Vincent Debbarma janai dise ki Chennai-based Mohan Foundation logot partnership thaka karone Tripura te organ donation process bhal para strong hobo.
Add Comment