Nargis Fakhri India te ahi kena tailaga movie Amavas ke promote kuribole ektam busy ashe. Film toh Bhushan Patel alak horror films khan bhi bona manu pora direct kura ashe.
Horror movie laga kodha te, Nargis pora koishe, “moi horror movie sai kena tangor howa ashe. Moi superstitious nahoi,hoile bhi moi superstitions ke biswas ashe, India te, superstition alak level te dhakile bhi. Etu toh yade tangor kodha ashe. hoi,moi bhi saidan aro radi ashe koi kena biswas ashe.”
tai living saidan laga koi ashe naki?tai hanshi kena koishe, “Oh! hoi! Living saidantoh bishi ashe.abni khan ke moi pora industry te dhaka konba laga nam kobole dipo monjai? Nai,nai. Moi kidya bhi kobole nubaribo.”
Tai pora khushi nupaa konba ashe naki laga phabna te thaka somoi te Nargis pora joldi jawab dishe, “mi karne biya manu kon bhi nai.konba pora moike biya kam kurishe koile,moi jai jabo kindo ekjun ke face kuri kena suru korishe koile toh hat bhi jolabole opai ashe.”
Nargis koishe Amavas logot te kam kura toh, tailaga pehla horror film karne ektam phal experience ashe. “bhoi khaa laga botli moi bishi mon khushi dhakishe. Moi jani dhakishe ki moi horror movie laga master logot te kam kurishe.etu toh moi karne sabna hosa te howa nishina dhakishe,”tai aro koishe.
Add Comment