Mokokchung District Laga DPDB Meeting Loishey

November 16, 2025: Itu Mokokchung district laga muhina laga District Planning & Development Board (DPDB) meeting loishey, 15^th November, 2025 tey, DC laga Conference Hall, Mokokchung tey, itu Nuklutoshi Longkumer, MLA & Chairman DPDB Mokokchung laga chairmanship under tey. Itu meeting toh hoiley, ek minute laga silence prathana logotey shuru hoishey, Late Advisor – Imkong L. Imchen ke tribute pay kuri kena. Deputy Commissioner & Vice Chairman DPDB Mokokchung – Ajit Kumar Verma, IAS para itu notun member khan ke welcome kurishey. Itu Deputy Commissioner para Late Advisor, Imkong L Imchen laga contribution khan bhi acknowledge kursihey, itu District aru State nimitey. Itu DC para state kurishey ki, tai laga contribution itu state phaney tai laga lamba aru illustrious career opor tey, public service laga, itu toh hoiley ahi thaka saal tey bhi yaad tey rakhibo. Itu meeting laga agenda toh hoiley, jawa muhina laga meeting laga olop homoi laga review logotey shuru kurishey,kuntu tey itu upcoming 25^th edition laga Dr. T. Ao trophy nimitey tyaari kuria laga thakishey, kuntu toh hoiley Mokokchung District para host kuriboley asey. On NIKSHAY MITRA tey, itu DC para itu member khan ke TB patient khan ke adopt kuriboley koishey, treatment nimitey support kuriboley karney, choi saal laga minimum period nimitey, ki ki laga support para hoilebi, tai khan keneka modod kuriboley mon asey itu hisap tey.