Mokokchung • Nagaland

Mokokchung District Laga Muhina Laga DPDB Meeting Loishey, TB Patient Khan Ke Support Kuriboley, Itu District Tey

6 months ago

September 12, 2025, 06:29 PM: Itu Health aru Family Welfare laga Department para ekta Power Point presentation present kurishey, Nikshay Mitras opor tey, itu TB Elimination Programme under tey, 12th September, 2025 tey, itu muhina laga District Planning aru Development Board Meeting tey, kuntu toh hoiley DC laga Conference Hall tey para loishey, Mokokchung district laga.

DTO Mokokchung, Dr. Toshila Jamir para report kurishey ki, tatey toh hoiley 174 TB laga patient khan asey, itu district tey, aru tai khan ke Niksha Mitra support lagi asey. Dr. Toshila Jamir laga hisap tey, Niksha Mitra toh hoiley Manu kun hoielbi, NGO khan, Co-Operative Society khan, Political party khan nishina hoboley paribo. Ekta Mitra toh hoiley minimum ekta TB patient adopt kuriboley paribo, treatment kuriboley, minimum choi muhina laga treatment nimitey, ki ki laga support laga hoilebi, itu patient para lagi thaka laga.

MLA & Chairman DPDB, Mokokchung, Nuklutoshi Longkumer itu opportunity loi kena, tai para member khan ke agey ahiboley koishey, komti koilebi ekta TB patient adopt kuriboley, kotey tai para declare kurishey ki, tai toh hoiley 5 TB patient khan adopt kuri asey,  aru tai koa pichetey the Deputy Commissioner, Mokokchung, Ajit Kumar Verma, IAS para koishey tai bhi 5 TB patient khan ke adopt kuri asey koi kena. Tatey tai khan decide kurishey ki, itu district tey Department toh hoiley Niksha Mitra donor karney agey ahi asey, kun khan aru bhi modod kuriboley asey, tai khan laga naam toh next DPDB Meeting tey review kuriboley asey koi kena janaishey.

Deputy Commissioner, Mokokchung, Ajit Kumar Verma, IAS para Office khan laga Head khan ke itu district tey tai khan laga subordinate office khan tey visit kuriboley koishey, itu block aru subdivision khan tey, homoi homoi tey, confidence build kuriboley, coordination improve kuriboley aru itu subordinate office khan challenge khan face kuri thaka janiboley karney.

DC para itu Office khan laga Head ke remind kurishey ki, annual report eneka nishina laga activity khan opor tey banai kena tai khan ke submit kuriboley lagibo koi kena janaishey, aha din khan tey.