February 20, 2024 : Itu Mokokchung District Planning and Development Board (DPDB) laga muhina laga meeting toh hoiley loishey, 19th February, 2024 tey, Ungma Bosti laga Rural Assembly Hall tey para, Water Resources & Chairman DPDB, Mokokchung laga Advisor – Tongpang Ozukum para itu meeting tey chairperson buhi kena.
Itu ADC & Administrator, Mokokchung Municipal Council (MMC) para report di kena thaka laga based tey, MMC Shopping Complex Fire Incident opor tey, itu meeting resolve kurishey ki, itu NIT laga experts khan para di kena thaka report – itu building laga condition opor tey, kuntu toh hoiley evaluate kurishey, ekta technical committee para, itu district bhitor tey para constitute kuri kena, itu ADC & Administration MMC laga chairmanship under tey, aru ekta comprehensive report submit kurishey, itu DPDB Mokokchung laga Chairman ke, dui hapta bhitor tey, aru bhi further course laga action nimitey.
Graveyard laga issue opor tey, Mokokchung tey, kotey itya thaka laga mati laga jaga toh hoiley pura puri chulai di kena asey, itu toh hoiley decide kurishey ki, DPDB toh hoiley itu mati laga malik khan ke pursue kuriboley asey, aru bhi mati khan nimitey allot kuriboley nimitey. Aru itu saath saath itu bhi suggest kurishey ki, itu MMC toh hoiley ekta policy logotey ahiboley lagi asey, itu nishina problem khan logotey cope up kuriboley karney, itu citizen khan para face kuri thaka nishina itya, burial nimitey.
Add Comment