Mokokchung DPDB Meeting Cum Advent Christmas Programme Loishey

December 11, 2024, 06:38 PM : Itu Mokokchung District Planning and Development Board meeting loishey, itu December cum Advent Christmas programme laga, kuntu toh hoiley DC laga Conference Hall, Mokokchung tey para loishey, 11^th December, 2024 tey.

Itu DPDB meeting toh hoiley DPDB laga Chairman aru Speaker Nagaland Legislative Assembly, Sharingain Longkumer para chair kurishey aru, itu meeting tey Sericulture aru Minority Affairs nimitey Advisor & MLA – Imkongmar bhi attend kurishey.

Itu jawa muhina laga meeting laga olop homoi laga kotha khan kuri kena, Deputy Commissioner Mokokchung, Thsuvisie Phoji para inform kurishey itu house ke, itu India laga Govt. Home Affairs, State nimitey Minister – Bandi Sanjay Kumar laga visit laga, itu district tey, 19^th Nov. 2024 tey aru tai para itu 2^nd Cherry blossom Festival laga opor tey share kurishey, kuntu toh hoiley Longkhim bosti tey loishey, kotey alag alag department khan para active para part loishey, aru tai para Eco-tourism laga prospect opor tey kotha kurishey, itu district tey.

Itu meeting pichetey, Advent Christmas Programme toh hoiley Er. Lanusenla para chair kurishey, kun toh hoiley Mokokchung laga ICIT laga Principal asey.

Itu programme laga homoi tey, ekta Christmas message deliver kurishey, Rev. Dr. Tekatemjen. Prisident, NEALEAST para. Christmas greetings khan share kurishey Sericulture aru Minority Affairs nimitey Advisor & MLA – Imkongmar aru DPDB laga Chairman aru Speaker Nagaland Legislative Assembly, Sharingain Longkumer para. Ekta Special ganna kurishey title – “My grownup Christmas list” , Chubala Longchar aru tai laga friend khan mili kena aru Dr. Wati Imchen, Principal FAC laga invocation kurishey. Christmas laga gift khan exchange kurishey, itu Board member khan bhitor tey, kuntu toh hoiley Vitolou Chisi, EAC, Mokokchung para initiate kurishey.