October 03, 2025, 06:33 PM: ADC & Chief Executive Officer Mokokchung Municipal Council, Atsungba Walling para sob concern khan ke inform kurishey ki, itu Mokokchung Municipal Council (MMC) para janiboley parishey ki, kunba commercial establishment khan, Mokokchung town bhitor tey, itu authorise nathaka laga domestic LPG cylinders ( 14.2 kg) chulai asey commercial laga kaam nimitey.
Itu laga regard tey, itu public laga attention aru sob concern thaka stakeholder khan ke itu Liquefied Petroleum Gas (Regulation of supply and Distribution) Order, 2000 laga Clause 3(c) janiboley koishey, kuntu tey safa para koi kena asey ki, domestic LPG cylinder khan toh hoiley strict para domestic consumption karney ekla asey aru itu khan aru ki-ki laga commercial laga kaam nimitey itu chulaboley manna asey. Aru tatey itu kotha namani kena kaam kuria opor tey itu Essential Commodities Act 1955 laga Section 7 (1) (a) (ii) under tey sajai diboley laga asey.
Itu nimitey, public safety laga interest tey aru law logotey strict para comply kuri kena thakiboley, tatey notify kuri di kena asey ki:
- Sob commercial establishment khan : hotel khan, restaurant khan, bakery khan, cha dukan khan, canteen khan aru alag business entity khan kuntu toh hoiley Mokokchung Municipal jurisdiction bhitor tey operate kuri asey, tai khan toh hiley commercial LPG cylinder khan hey chulaboley lagibo, authorised distributor khan para, commercial laga kaam nimitey.
- Itu domestic LPG cylinders (14.2 kg) chulai thaka laga, ki ki laga commercial kaam nimitey, strict para prohibit asey.
- Judi kunba itu law ke namani kena law laga against tey kaam kurishey koiley, tai khan opor tey penal action khan loboley ase, itu Essential Commodities Act, 1955 laga hisap tey, itu logotey establishment bhi seal kuridibo, fine khan bhi impose kuribo, Trade permit bhi chancel kuri dibo aru alag action khan aru-bhi lobo kuntu toh itu competent authority para lagaboley tai khan laga hisap tey.
Add Comment