Mokokchung laga DPDB meeting loishey

September 06, 2024: Itu August & September 2024 laga muhina nimitey itu Mokokchung District Planning & Development Board Meeting loishey, 4^th September, 2024 tey, DC laga Conference Hall tey para, Mokokchung laga, itu Speaker Nagaland Legislative Assembly & Chairman DPDB Mokokchung, Sharingain Longkumer laga Chairmanship under tey. Itu Chairman para inform kurishey ki, itu Coaching Centre “Shisalen Riju” chari kena, kuntu toh hoiley itu DPDB Mokokchung laga initiative khan logotey shuru kurishey poila, itu board para toh hoiley arubhi initiative khan loboley asey, teenta sector khan laga, ekta Ambulance procure kuri kena, life support system logotey, ekta 5 metric ton cold storage install kuri kena, MMC complex tey aru itu environment laga concern loi kena, aru itu single use plastic laga support tey, ekta Banana stem fibre bag banawa laga machine toh hoiley install kuriboley asey, tai para koishey. Itu meeting tey, 10 department khan para capital asset khan laga status report dishey, aru itu homoi tey alag department khan ke itu nishina he report diboley karney inform kurishey, itu next DPDB meeting tey. Society laga registration nimitey, R/o Shalom Education aru Charitable Trust, Tuli, Melongtet Initiative, Kobulong, Mokokchung aru Naga Hills Farmers Federation Society, Mokokchung toh hoiley approve kurishey aru forward kuri dishey.