Kohima, June 08: Mokokchung police para inter-district gari chor gang beya korise aro Nagaland te alak alak districts para chor kora 10 gari paise. Etu te melikena seven jun manu ke arrest korise. Etu khobor toh Mokokchung police para Tuesday te janaishe.
Mokokchung police para seven jun ke arrest koribole para toh, Aongza ward, Mokokchung te ekta man uke thurise bechae te ase koise. Tai toh May 25th, 2021 laga adha rati te chor kora motorcycle logote polabole kosish kora samai te thurishe koise.
Etu te melikena, ekta case toh registered kora thakise aro investigation para chor khan laga kaam te investigating team para janishe koise. Etu para jarta co-accused ke toh Wokha te DEF Wokha laga motob para thurishe aro tuita tusara ke toh Mokokchung para thurishe koise.
Thura manu jani powa khan: Nzubemo (29 yrs) P/A: Chukitong, Wokha, Myanthung (27 yrs) P/A:- Chukitong, Wokha, Nchumbemo (27 yrs) P/A: Chukitong, Wokha, Amos (41 yrs) P/A: Tsumang ‘A’ Colony, Wokha, Kumar Chetri (35 yrs) P/A:- Aongza Ward, Mokokchung, Phyobemo (34 yrs) P/A:- Pongidong, Wokha, aro Imnalemba (28 yrs) P/A:- Artang ward, Mokokchung district.
Sob melikena 10 (ten) gari toh paise aro etu para 9 (nine) gari toh Wokha te paise aro ekta (one) gari toh Mokokchung te paise koise. Gari powa khan: 02 (two) Gypsy, 03 (three) Alto, 03 (three) Maruti 800, 02 (two) Motorcycle ase koise.
Etu te melikena besi cases toh Police Station-I aro Police Station-ll Mokokchung pithor te registered hoise aro agae investigation loi ase koise.
Add Comment