Mon de Health Awarness Marathon loise

 Mon, 25 September: Tueday din Mon de Health Awareness Marathon loise.  Boys Category de St.John School laga Daniel Konyak, Konjong School laga Wanmei aro Don Bosco School laga Manlam pora girst second aro third lowah thakise. Aro consolation prizes toh Konjong School laga Eyongpi, GHSS laga Yashie aro GHSS’D’ laga Pangyao, Konjong School laga C.Anat Konyak aro Don Bosco School laga Honthrem Konyak logode deya thakise. Girls category de, Green Valley School laga Ngunpong, St.John School laga Arune aro Christ King School laga Nyankhai pora first, second aro third lowah thakise. Aro consolation prize toh GHSS’D laga Nonlih, St.John School laga Easter, Model School laga Mangam, GHSS’C’ laga Maolem aro Police Unit School laga Poaying logode deya thakise. Dr. Khrielasanou, Medical Superintendent, District Hospital, Mon pora jeta khan ke cash prize deya thakise. District Hospital de prize distribution ceremony thaga time de Dr.Supongmeren, SMO pora Health Talk kotha kora thakise. Etu time de tai pora personal health toh ektum kum laga ase koise aro tobacco aro modu khan toh na-habo lagi kowah thakise. Tai pora environment phal thakibo karni student khan logode khor, school aro community toh sabha thakibo karni motob koribe kowah thakise. Dr.Yanang Konyak, Medical Officer, District Hospital Mon pora vote of thanks dess. Marathon toh Local Ground pora suru hoi kena Distric Hospital Mon de kothom howah thakise. Etu time de   Mon town laga seventeen Schools hesha lowah thakise.