March 27, 2024 : Mon District Planning & Development Board meeting loishey, itu Mon laga Deputy Commissioner aru Vice Chairman DPDB – Ajit Kumar Verma, IAS laga chairmanship under tey, Deputy Commissioner laga Conference Hall tey para, Mon district tey, 26th March 2024 tey.
Itu meeting tey address kuri kena, itu Deputy Commissioner para itu sob office khan laga head ke urge kurishey, bhal para tyaar thakiboley, tai khan laga respective duty khan toh effective para discharge kuriboley koishey, itu forthcoming Lok Sabha 2024 laga general election laga successful para conduct kuribo pariboley karney.
Mon laga District Planning officer – V. Aron Sema para High Level District Development Review (HLDDR) opor tey highlight kurishey itu house ke, review kuriboley karney, sob development project khan nimitey, kuntu khan toh hoiley Rs. 1 Crore para bishi wala asey, itu district tey.
Itu Tizit laga Government Higher Secondary School karney notun desk khan aru bench khan laga proposal opor tey discuss kuri thaka homoi tey, itu house para decide kurishey, itu Mon laga DPDB laga Chairman ke forward kuriboley karney.
Add Comment