July 12, 2024: Itu Mon District Planning & Development Board laga muhina laga meeting loishey, itu July laga muhina nimitey, kuntu toh hoiley itu Deputy Commissioner & Vice Chairman DPDB, Mon, Ajit Kumar Verma, IAS laga chairmanship under tey loishey, DC laga Conference Hall tey para, 12 July, 2024 tey.
Notun para appoint hoi kena thaka DPDB Mon laga Chaiman – MLA Manpon Konyak para state kurishey ki, itu toh hoiley ekta dangor privilege asey tai nimitey, Chairman hisap tey appoint hoboley para toh, itu Mon District Planning & Development Board laga aru ekta opportunity asey tai nimitey, itu manu khan ke aru bhi serve kuriboley. Tai para itu member khan ke eke logotey mili kena kaam kuriboley koishey, bhal advice khan aru agenda khan logotey, aru bhi bishi para itu development aru social issue khan laga opor tey emphasize kuri kena, itu manu khan laga welfare nimitey.
Itu house para itu application receive kurishey, society registration nimitey, Mopong Hongkong Union, Shamnyu Ward, Mon Town laga. Sob lagi thaka paper khan laga bhal para scrutiny kuria pichetey aru itu society laga presentation based tey bhi tai khan laga activity khan laga, house para itu government ke recommend kuriboley decide kurishey, society laga registration nimitey.
District Planning Officer & Member Secretary, DPDB Mon, V. Aron Sema para itu LADP 2024-2025 constituency wise laga approval highlight kurishey. Itu Agriculture department para tai khan laga department activity khan present kurishey, ekta PowerPoint presentation para.
Itu Mon District under tey ula laga HSLC & HSSLC 2024 laga topper khan, ke felicitate bhi kurishey, itu meeting tey.
Add Comment