Mon • Nagaland

Mon District Tey DPDB Meeting Loishey, 26th September Tey

5 months ago

September  26, 2025, 04:12 PM: Itu Mon district laga muhina laga DPDB meeting loishey 26th September, 2025 tey, itu Deputy Commissioner laga Conference Hall, Mon tey para, itu Deputy Commissioner & Vice Chairman DPDB Mon, Wennyei Konyak, NCS laga chairmanship under tey. Wennyei Konyak  para itu Mon Smart Hub Portal inaugurate kurisey.

SDO (C), Mon, Ajit Kumar IAS para Mon Smart Hub Portal (Smart Governance, Better Services, Bright Future) laga feature khan, importance aru objective khan highlight kurishey.

Itu Board para jawa muhina laga meeting laga olop homoi laga kotha khan discuss kurrishey, itu agenda khan opor tey: Mon bosti laga nichey Yingtongho tey Private Bus Stand set up kuriboley laga, AME (Mechanical) ke EE Mon Division tey upgrade kuriboley laga, New Office Building construct kuriboley laga aru SDEO Tizit aru Wakching nimitey Staff Quarter khan banaboley nimitey, kotha khan kurishey.

Itu Board para Spoken English Academy, Walo Ward Mon laga registration nimitey approve kurishey aru itu toh Government ke forward kuri dishey, final approval nimitey.

Ajit Kumar para itu agenda discuss kuria homoi tey, itu Vibrant Village Programme laga concept samjhaishey, kuntu toh hoiley ekta GoI laga initiative asey, itu country khan laga border tey thaka bosti khan ke aru bhi bishi accessible banaboley karney, sob facility khan aru infrastructure logotey – bhal raasta, telecom, electricity, education aru healthcare system nishina sob tey access paboley.

Local manu khan laga jeevan ke aru bhi bhal banaboley karney, aru tai khan ke basic lagi thaka saman provide kuriboley karney. Tai para aru bhi koishey, Myanmar Vibrant Village Programme Phase 2 under tey, nine bosti khan Mon District under tey select kuri kena asey.

Tai para itu bhi koishey ki, itu PMVY nimitey Skill/ Training Centre laga selection toh hoiley limited asey, Mon district tey aru itu asey ki, khali kun khan toh hoiley itu training loboley asey, tai khan hey bank loan facility khan avail kuriboley paribo. Itu laga regard tey, General Manager, DIC Mon, Y. Shoiyan Konyak para itu HoD khan ke appeal kurishey, assist kuriboley karney, itu Office laga Conference Hall provide kuriboley, eneka hoiley hey, tai khan alag alag skill khan/ training khan diboley paribo manu khan ke.