July 19, 2024: Deputy Commissioner Mon, Ajit Kumar Verma, IAS para public notice issue kurishey, kuntu toh hoiley 15th July, 2024 tey dated thaki kena, ki, ekta proposal toh hoiley receive kurishey, itu undersign thaka para, ekta notun bosti laga recognition laga, utu toh Longwa Lailo village koi kena janipaboley itya para koi kena, Phomching Sub-Division under tey, itu di kena thaka boundry khan logotey area khan measure kuri kena: –
1. North : Takah River (Phomching)
2. South : Tangam River (Nyahnyu)
3. East : Nyahchong (Longwa & Longwa Wasa)
4. West : Taggi River (Tangnyu)
Itu nimitey, itu toh hoiley inform kurishey sob concern manu khan, group khan, bosti khan ke, ki, kiba claim khan aru objection khan asey koiley, itu Longwa Lailo Village laga recognition laga against tey, itu Mon laga DC office tey submit kuriboley koishey, kagos tey likhi di kena, 30 din laga bhitor tey, itu notice toh issue kuri kena thaka para. Judi eku objection khan likhi kena thaka laga receive kuria nai koiley, itu di kena thaka homoi bhitor tey, itu toh hoiley sure hoi jabo ki, tatey eku bhi complaint khan nai koi kena, ki ki laga hoilebi, itu opor tey di kena thaka laga proposal opor tey aru itu matter toh hoiley Government ke forward kuri dibo, aru lagi thaka action khan loboley nimitey.
Add Comment