Headlines • Mon • Nagaland

Mon te 20 khor julishe aro Properties Rs 65 lakhs daam lost hoise

April 5, 2021
37 Views

Kohima, 05 April: Monday te Fire & Emergency Services (F&ES) para Mon te khor jui jula laga tuita hatsa khobor korise. Etu hatsa te 20 khor aro khor laga saman khan aro Rs 65 lakhs nesana properties daam jui para lost hoise.

Totok Chingha, Mon te jui:

R.O (E), F&ES, Kenny Khing para April 3rd, 2021 te Totok Chingha, Mon para fire call toh 10:44 pm te ahishe aro Fire Station Mon para Fire & Emergency Services team toh jui te rokhabo nemite jaishe. Fire Tenders logote thek saman aro Personnel toh jui rokhabole kaam suru kora thakise.

Nineteen (19) Katcha khor logote khor laga saman khan aro properties daam Rs 50 lakh nesana toh jui jula para lost hoise.

Khing para be thek samai khobor powa aro jawab deya nemite jui te rokhabole parishe aro sosor sosor khor te jui pheli jabole rokhaishe aro property daam Rs 20 lakhs nesana bachabole parishe koise.

PRO para jui ola laga karan toh electrical short ciruit para hobole suspect korise koise jui te rokhabo nemite fire team ke 11:26pm to 7:00am samai lakise koise. Fire response team te Duty Commander ASI Chingpai Konyak para led kora thakise koise.

Tamong, Mon Town te jui:

R.O para be tusara jui hatsa toh April 2nd, 2021 te Tamong bosti, Mon Town te hoise koise.

Fire Station Mon para Fire & Emergency Services team jui te rokhabole jaa thakise. Fire Tenders logote thek saman khan aro Fire Personnel thakise.

Ekta Katcha khor logote khor laga properties toh jui para julishe aro property daam Rs 15 lakhs nesana toh lost hoise. Hoilebe thek samai khobor powa aro jawab deya nemite jui toh besi pheli jabole rokhaishe aro property daam Rs 20 lakh nesana toh bachabole parishe koise.

Aro RO para jui ola laga kaam toh electrical short circuit para hobole suspect korise koise aro jui te rokhabo nemite fire team ke 40 minutes lakise koise. Fire response team ke Duty Commander SI Soyhunlo Kent para led kora thakise koise.

Nagaland te Assam Rifles para Totok, Mon te jui ola te metabo nemite civil administration ke motob korise aro khor jula bosti manu khan ke saman khan deshe koise.