MON,AUGUST 11,2019: Mon District Administration khan Mahila Shakti Kendra (MSK) Mon logote milikena Beti Bachao Beti Padhao Scheme bithor Breast Feed Best Feed laga theme te St. Mary’s High School 7th August 2019 te Breast feeding laga awareness seminar loishe .Etu seminar toh Global Breastfeeding Week Celebrations 1st para 7th August 2019 tak lobole thaka nimete luwa ase .Etu programme toh Ngepshom Konyak, Women Welfare Officer, MSK Mon para loishe .
Resource person, Dr. Shasinle Tep, DPO (UIP & RCH) para Breast feeding laga importance uporte kotha kurishe.Ekta ama para tai laga bacha ke breastfeed choi moina nimete kuribole lageh .Sob kaam kura ama khan ke choi moina laga maternity leave dibole lageh ama aro bacha majhotte sambandh thik thakibole nimete .
District Coordinator, MSK, Neijoi Konyak para Mahila Shakti Kendra (MSK) / District Level Centre for Women (DLCW) laga aims aro objective uporte kotha kurishe .Tai para duita schemes Pradhan Mantri Matru Vandana Yojana (PMMVY) aro Sukanya Samriddhi Yojana (SSY) uporte kotha kurishe.
Angun Lily Konyak, Counsellor of Sakhi- One Stop Centre, Mon para OSC para diya programme aro services uporte kotha kurishe .Tai para maiki khan ke tai khan laga haakh nimete uthibi koishe .
Suresh, Headmaster St. Mary’s High School para vote of thanks dishe .
Add Comment