MON, SEPTEMBER 20,2019: Mon District Administration khan Mahila Shakti Kendra (MSK) – District Level Centre for Women (DLCW) logote milikena Girl Child Day Police Unit School, Mon 18th September 2019 Beti Bachao Beti Padhao Campaign bithor te manaishe.Etu programme toh Neijoi Konyak, District Coordinator, MSK para loishe.Sob milaikena Girl Child Day celebrations te 50 student khan bhaagh loishe.
- Matsung Ao, Administrator of Police Unit School para school laga behalf te introduction dishe .Tai para students khan ke girl child day laga importance janaidishe.
Ngepshom Konyak, Women Welfare Officer, MSK Mon para Girl Child laga importance uporte kotha kurishe.Judi ekta maiki bacha educate thakile toh tai ekta major role kuribole paribo society te .Tai para equal treatment for both boys and girls gender wise te bias nathakibole koishe.Tai para students khan ke tai khan laga rights chulabole kotha kurishe schools aro family te kile koile toh development toh etu duita jaka para shuru kureh .Tai aro koishe maiki students khan ke sorom nakhabi aro activities khan te bhaagh lobole koishe. Olem Konyak, District Coordinator, MSK Mon para vote of thanks dishe.
Add Comment