Monday din congress working committee meeting

New Delhi: Monday din te Congress Working Committee meeting thakibo aro etu  samai state elections te party kamyaab nakora nemite leaders logot komjuri thaka toh demand koribo, koikena khobor para janaishe. Election toh West Bengal, Assam, Kerala, Tamil Nadu aro Puducherry te loishe. Lok Sabha polls akhe te be Congress toh elections besi te harikena ase, kali Tamil Nadu te kamyaab hoishe aro etu be tai khan laga partner DMK para bhal kam kora nemite thakishe. Congress toh 2019 elections samai Arunachal Pradesh, Andhra Pradesh, Odisha aro Haryana te harishe aro 2020 saal Bihar te be harishe. Kali Jharkhand te partner JMM logot melai te jetishe. Kerala aro Assam te Congress toh power te ahiboli kamyaab howa nai, West Bengal te olop para jetishe aro Puducherry te be harishe. Etu kotha korile Congress toh ahiboli thaka next assembly elections Uttar Pradesh, Punjab, Uttarakhand, Goa aro Manipur te kamyaab koribo. Congress Parliamentary Party meeting samai Sonia Gandhi para chair kora te koishe ke, olop din akhe assembly elections te party laga kam toh besi beya thakishe, etu nemite itya laga halat toh saikena tangor lesson loboli laki koikena Gandhi para janaishe. “sob state te ami khan laga kam toh besi komjuri thakishe aro mon dukh howa khobor election result junai din te sob manuh janishe’ tai para meeting te koishe. “Congress Working Committee meeting korikena results para tangor lessons janibo aro ami khan laga komjuri toh thikishe,” Mrs Gandhi para koishe.