Kohima, 08 June: Mongsenyimti Primary Health Centre nemite ambulance toh Rev. Imti Ozukum, Pastor, Mongsenyimti compound Baptist Church para Minister PWD, Mechanical and Housing, Tongpang Ozukum thakikena Tuesday June 8th, 2021 te Mongsenyimti village, Mokokchung district te dedicate korise.
Minister Tongpang Ozukum para medical minister aro medical department ke dhanyabad kroise pandemic nemite lakiya te jana nemite aro manu khan nemite ambulance deya ola nemite.
Ozukum para PHC management team aro Mongsenyimti village council toh melikena ambulance phal para jolabole bhabona howa janaishe kelay koile etu toh Mongsenyimti PHC pithor te sob bosti khan laga laab nemite howa karni.
Tai para be council members aro PHC management team toh ekta ekta logote support kori thakibole koise kelay koile aji kali pandemic nemite kosish samai te dekthari ola nathakibole nemite.
Medical Officer, Dr. Rachel para PHC pithor ambulance suru kora para osor osor bosti khan te besi laab pabo koise. Tai para be ambulance melaideya para besi laab pabole ase aro extra advantage toh area laga patients perai thaka besi phak Covid patients ke pabole ase koise.
Add Comment