Monaco, 11 April : Carlos Alcaraz Thursday din Monte Carlo Masters laga quarter-finals te prothom bar ahise, straight sets te Daniel Altmaier ke haraikena.
British fifth seed Jack Draper ke Alejandro Davidovich Fokina haraisey, aru Lorenzo Musetti ekta all-Italian match te limping Matteo Berrettini ke haraisey.
Dusra jagah te, Alexei Popyrin match point bachaikena 2024 runner-up Casper Ruud ke haraisey, aru eighth-seeded Alex de Minaur ninth seed Daniil Medvedev ke straight sets te bhal kori dismantle korisey.
Stefanos Tsitsipas, jun last char saal te tini bar tournament jitisey, Nuno Borges ke easily haraisey. Grigor Dimitrov din laga last match te Alejandro Tabilo ke haraisey.
Char bar Grand Slam champion Alcaraz 84th-ranked German Altmaier ke 6-3, 6-1 score te harai, Friday din rising French star Arthur Fils logot quarter-finals match kheltoloi qualified hoisey.
Alcaraz thik thak rhythm painai thakile start te, Altmaier first set te 3-3 equal kori loisil, kintu tar pichhite Alcaraz pura dominate koridiyesey.
Second seed Alcaraz tin ta game continuously jitikena first set loiloy, aru dusra set to half hour bhi nohoi khotom koridiyesey.
21 saal laga Alcaraz, jun ahitu French Open aru Wimbledon champion ase, title jitibo laga strongest favourite ase, karon top seed Alexander Zverev aru Novak Djokovic already early round te bahar hoigese.
Alcaraz 2022 te jitia Monte Carlo Masters te prothom bar khelisey, first match te he haarisey.
Arthur Fils easily 2023 champion Andrey Rublev ke 6-2, 6-3 score te harai, nijor third consecutive Masters quarter-final te punchaisey.
20 saal laga Fils ahibar Masters event te semi-finals punchibole try korise, karon age Indian Wells aru Miami Open te quarter-finals te haarisey.
Add Comment