New Delhi, 12 September: Tabrez Ansari lynching case opor deh Union minister G Kishan Reddy para Thursday din koise, “kanoon (law) para nejor laga course toh lobo”.
Tai para etu hatsah toh achanak laga ase aro etu toh criminal act ase koise. Reddy para state government ke kotha kora time deh koise, “Ami najani court deh ke toh hoise. Ami lagi thaga toh, ke toh hoise, ke laga crimal act hoise etu galdi kora khan ke saja debole laki ase”.
Moraideya opor deh 13 accuse ke kelaaf kori kena tai koise, kanoon para nejor laga course toh lobole ase.
Enaga hatsa toh BJP ruled states deh he hoi. Etu nesana hatsa toh West Bengal deh be hoise kowah opor deh Union minister of state koise, “Poila time deh be enaga hatsa toh hoi thakishe. Khali BJP ruled states time deh ekala howah nahoi”.
Reddy koise, Prime Minister Narendra Modi para be koise enaga hatsa toh kotdeh be nahobole.
24 sal Ansari morai laga case deh 13 jun ke arrest hoise. Jun 17 direk Jharkhand’s Saraikela-Kharsawan district deh Ansari ke toh mob khan para chor ase koikena mara thakishe. Ansari ke mara laga videos toh phela thakishe. Etu time deh tai ke pole deh panty kena joborjos ‘Jai Shri Ram’ kobole kowah thakishe.
Tuesday din police para Ansai laga lynching case deh sob 13 jun ke kelaaf korikena thura thakishe. 13 jun arrest howah majode tui jun ke toh local court deh file kora thakishe aro bachi thaga khan ke toh investigate kori ase.
Add Comment