Ukraine, 17 December 2024: Russian armed forces te ekta high-ranking general aro tai laka assistant ke murai dishey Moscow te Ukraine laka security forces khan pra, ekta Ukrainian source pra BBC khan ke janai dishey.
Lt Gen Igor Kirillov, Nuclear, Biological, Chemical Defence Forces (NBC) laka head, Tuesday din te residential block laka bahar te thaki shey, etu time te scooter te lukhai thaka device toh remote pra phutai dishey, Russia’s investigate committee pra koishey.
Ukraine’s SB security service te source pra koishey ki Krillov toh legitimate target thaki shey aro alleging war crimes khan kuri shey.
Monday din te, SBU khan pra Kirillov ke absentia te charge kuri shey, telegram te koishey tai responsible thaki shey banned chemical weapons khan chula nimite. Ukrainian government khan echa b general mura laka opor te eku kwa nai.
Jaka laka pictures khan pra dikhi paishey kina building gusa laka jaka toh biya pra nuksan hoishey, walls khan ke jula laka daki khan aro windows khan urai kina thaki shey. Duita body bags dikhi paishey rasta te.
Tuesday din morning te block toh cordoned off kuri dishey kileh maneh Russian government khan jaka toh comb kuri thaki shey.
October te, UK kahn Kirillov te sanctions dhali shey, aro koishey tai Ukraine te chemical weapons khan chula toh oversee kuri shey aro Kremlin disinformation karne mouth piece nishina act kuri shey.
Add Comment