Moscow: December 5, 2020. Saturday din Moscow te Sputnik V COVID-19 vaccine toh 70 clinics logot deya soruh hoishe. Russia te bemari kelaaf te first vaccination ase. Task force para koishe, Russian para vaccine bona toh first doctors aro dosura medical te kam kora manuh, teachers aro social workers khan logot dibo, keli koile tai khan etu bemari te besi risk ase. Moscow toh Russia te coronavirus bemar ola jaga ase aro rati samai 7,993 notun cases paikena ase, jaa din 6,868 cases para otha ase aro September moina te ek(1) din te cases toh 700 neshina thakishe. “5 gonda oper te 5,000 manuh para signed korishe- teachers, doctors, social workers para tai khan laga halat aro jeevan toh risk korikena ase” koikena Mayor Sergei Sobyanin para Friday din website te lekishe. Etu vaccine loboli toh 60 umer dak para paribo. Pregnant maiki neshina aro dosura bemar para tui(2) hafta oper thaka khan vaccine toh loboli naparibo. Russia para tuita(2) COVID-19 vaccines olaishe, Sputnik V toh Russian Direct Investment Fund para backed korishe aro dosura toh Siberia’s Vector Institute para bonaishe, tuita(2) vaccine toh be final trials jaiase aro kotom hoboli ase koishe. Saturday din Russia te 28,782 notun bemari cases paishe, aro etu ek(1) din pithor laga sobse besi ase. Russia te sobse melaikena bemari toh 2,431,731 hoikena ase aro duniyaa te cases toh 4th besi wala te ase. October moina te, konuba hoshari kam hoikena secondary school bacha khan ke thakishe aro office te kam kora manuh khan 30% limit te korishe koishe.
Add Comment