November 5, 2024: Jennifer Lopez tho single aro ready to mingle ase pareh, hoile b ekta nutun report para manu kan bishi singer-actor keh date kuri bole interest nai kuis hae. Tai tho itia heavily publicized divorce laka middle deh ase, fellow actor Ben Affleck para. Recent reports isap deh tai tho hot mota kan keh ‘audition’ kuri taki shae. Hoile b itia tho mota kan alak direction deh polai jai ase.
InTouch Weekly laka ekta report para mota kan Jennifer Lopez keh avoid kuri ase kui shae. “Tai tho etu clear kuri nah ase. Tai keh date kuri bo mun jai leh, taike queen nishi nah treat kuri bole ready taki bole lakeh aro drama kan bishi keh sab oleh ready taki bole lakeh,” insider para kui shae, report isap deh.
Quote para Jennifer tho mota lokot deh distance kura time deh, mota kan tho tai para polai ase kui shae. Source para etu kui shae. “Jennifer para tai mota kan laka dur time lakeh kui shae, hoile b husa deh utu tho ekta self-defense mechanism ase, kile koile mota kan kun taike dikeh, taikan sob alak direction deh polai jai. Tai jani ase ki hoi ase, hoile b tai nijor keh victim ban abo karne acing kuri ase!”
Add Comment