HYDERABAD:Ekta mota para tai laga maiki ke muraidishe aro etu pichede tai laga matha ke ekta mota laga ghor laga bahar te rakhishe kun ke suspect kurishe affair thaka nimete.
Etu hadsaa toh Sangareddy district, Telangana Wednesday rati te hoishe.Police para kuwa hisaab te etu manu Jurru Sayilu para tai laga maiki Amshamma (35) laga matha ke dao para marishe Anantasagar village laga ghor te.
Etu pichede tai para etu maiki laga matha toh tai laga two wheelers te Narayankhed 5-km jaikena aro etu ke ekta manu laga ghor bahar te rakhishe kun ke suspect kurishe tai laga maiki toh affair thaka nimete.
Narayankhed police inspector Ravinder Reddy koikena janaishe ki sayilu para suspicion thakishe tai laga maiki toh aro ekta mota logote extra marital affair ase koikena.tai toh hudai etu maiki logote jakara kuri thakishe etu nimete.
Etu duita mota maiki toh Wednesday rati toh biya para jakara olaishe aro ghussa uthikena tai para chaku olaikena etu maiki uporte hamlaa kurishe.tai para maiki laga matha toh body para alag kuridishe.
Police officer koikena janaishe sayilu para etu maiki laga matha nathaka body toh etu mota laga ghor bahar te phekaishe aro matha toh Narayanakhed te luijaishe.etu accused toh etu pichede police station te jaikena nijor ke surrender kurishe.
Add Comment