Uttar Pradesh, 8 November 2024: Uttar Pradesh State Women Commission khan pra nutun measures dikhai shey maiki laka safety toh bhal kuribo nimite. Etu khan ase ki mota tailors khan toh maiki laka measuremnets nakubo aro gym, yoga sessions khan ke mota khan pra maiki khan ke training nadibo.
Commissions khan aro suggest kuri kishey school bus khan ke maiki security personeel rakhbo aro maiki laka khapra dukan khan ke maiki staff khan ke hire kuribo, etu khan pra maiki laka security public aro commercial jaka khan ke bhal hubo.
Maiki laka safety bhal kuribo nimite measures khan toh meeting te khota kurishey October 28, Lucknow te, tadeh commission members khan bishi alak initiatives loishey kuntoh khan maiki laka security improve kuribo leh madat kuribo, Times of India pra report kurishey.
Discussions khan toh preliminary ase. Proposal laka feasibility khan echa b decide kuribo leh bachi kina ase. Etu khan approved ase koileh etu proposals khan ke government khan ke submit kuribo dibo policy ke draft kuribo ground-level implementation nimite. Maneesha Ashlawat pra report kurishey, commission laka member ekta.
Hoileh b Shamli district probation officer Hamid Hussian pra local establishment khan ke direct kurishey etu nutun safety measures khan tohe cha pra chula shuru kuribi koi kina. Maiki trainers nahoileh teachers khan ke appoint kuribo leh maiki laka gym, drama aro yoga centers khan te. Aro CCTV systems khan halibo leh monitor kuribo nimite.
Add Comment