Motha manuh khan COVID-19 para 30% moriboli risk ase

Boston: Motha manuh khan Maki manuh logot 30 per cent besi para COVID-19 bemari para moriboli besi risk tangor wala ase, koikena notun study para janai thishe. COVID-19 bemari manuh hospital te thaka khan risk besi wala ase keli koile diabetes aro hypertension bemar thaka nemite ase koikena journal Clinical Infectious Diseases para koishe. Research kora samai University of Maryland School of Medicine (UMSOM) laga scientists para kowa te United States pura te COVID-19 bemari manuh khan 613 hospitals te 67,000 manuh hospitalized hoikena ase. Tai khan para koishe, kaun manuh mosto ase, tai khan hypertension aro diabetes bemari thaka nemite dosura manuh logot etu bemari thaka khan moriboli tangor risk te ase. Study para koishe, COVID-19 bemari manuh 20 umer para loikena 39 umer dak etu bemar thaka khan moriboli risk ase. “knowledge toh power ase aro COVID-19 bemari manuh hospitalized hoikena thaka khan risk ase aro elaj koriboli be dukh ase,” koikena Anthony D. Harris para study te koishe. Study kora hesab te, umer toh COVID-19 oper te sobse tangor kotha ase. Aro koishe, COVID-19 bemari manuh hospitalised hoikena thaka khan 19 per cent neshina etu bemar para mori ase. Hotai 10 sal pithor te manuh mora rate toh othiase, 80 umer para loikena oper khan 34 per cent mori ase. “Pura manuh khan moriboli besi osor te ase, hoilebi obesity aro hypertension para bemar howa khan besi tangor risk te ase” koikena lead author Katherine E. Goodman laga study hesab te janai thishe.