Japan, 1 July : Mount Fuji laga summer climbing season toh Monday dey shury huishey kitia notun crowd control measures lui asey, Japanese volcano laga sobse popular trail dey over-tourism combat kuriboley.
2,000 yen ($13) laga ekta entry fee plus rkta optional donation charge kuri asey kun Yoshida Trail lui asey, aro ek din dey 4,000 numbers cap kuri asey.
Itu saal authorities para Online reservations bhi introduce kurishey kun khan Japan laga sobse uncha mountain laga safety aro environmental damage karney jinta asey.
Record tourist bheer khan Japan dey pandemic piche dey ahi asey, kitia bishi manu Mount Fuji ke scale kuriboley nahuiley sawoley ahi asey.
Itu mountain toh pura saal baarf para cover kurina thakey huilewi July-September climbing period dey 220,000 visitors logot bishi attract kurey.
Bishi manu 3,776-metre (12,388-foot) summit para sunrise sawoley raati dey jai thakey.
Kunwa khan trail dey ghumai nahuiley garmi karney jui shuru kurey, kitia alag khan breaks nathakina itu hike khotom kuriboley kosis kurey, kuntu karney bimar nahuiley jokhum hui.
Add Comment