BEIRA: Saturday din te Land and Environment Minister Celso Correia koishe ke Mozambique te cyclone nimite 417 manu murishe. Etiya etu nimite samasiya toh etiya bhi bishi nazuk (critical) ase koishe. Etu cyclone toh southern Africa te ahishe.
Jua hafta cyclone Idai toh Beira laga Mozambican port city te ahishe. Cyclone laga raftaar toh 170 km thakishe. Etu pichete cyclone toh Zimbabwe aro Malawi te marishe.
Mr Correia koishe ke samasiya to aste aste thik hoi ase. Hoile bhi etiya bhi nasuk (critical) ase. Tai para aro koishe ke etiya mati te kaam kuribole aro asan hoi jai ase.
Hoile bhi khobor hesab te manu murija khan laga ginti toh uthi ase. Etiya khobor hesab te 417 manu khan murijaishe.
Coordination of Humanitarian Affairs (OCHA) laga United Nations Office para Saturday din te koishe ke Buzi aro Zambezi nodi khan toh tai khan laga banks khan toh bhangabole risk te ase.
Add Comment