New Delhi: Monday din Madhya Pradesh te komti hoilebi 3,000 junior doctors khan para COVID-19 duties jarikena tai khan laga demand korishe, etu demand pithor te tai khan aro ghor manuh ke jodi coronavirus bemari hoile free para elaj koriboli koishe. MP Junior Doctors Association president Arvind Meena para koishe ke, tai khan laga members khan para health care facilities te out Patient Departments (OPDs), In-Patient Departments (IPDs) aro dosura wards te kam te jowa nai koishe. “jodi tai khan laga demand toh sam dak te junai deya nai koile, etu members khan para June 1 darik para state te COVID-19 duties te jai thaka toh rokibo,” koishe. Tai khan laga demand te aro kowa toh, junior doctors para COVID-19 bemmar manuh ke elaj kori thaka beds toh alag jaga te jodi tai khan logot bemari hoile rakiboli koishe. “etu oper te doctors aro ghor manuh ke elaj toh free hoboli laki aro stipend toh othaboli laki,” koikena Meena para janaishe. Tai para aro koishe ke, tai khan laga association te state laga 6 medical colleges para 3,000 members neshina ase koishe. Olop din akhe te, junior doctors khan para May 6 darik te strike jaishe, hoilebi olop gonda thaka beche state government para tai khan laga demand toh mania nemite rokishe. “etu samai, state government para promise kora 24 din hoishe ke ami khan laga demand toh maniboli, hoilebi itya dak eku khobor nai, koikena Meena para government logot tai khan laga demand mania toh janai thishe.
Add Comment