MP te 50000 kaam kura manu salary pa nai

MP, 7 June 2025: Madhya Pradesh sarkar olop din age ekta investigation suru kurise, juntu karon 50,000 ta government employee laga tankha choita month pora dibo na para report pai ase. Finance department janai dise ki verification exercise suru kuri dise. Etu employees khan laga employee code ase, kintu tankha pa nai, aru etu karone irregularities thaka laga uthise. Commissioner of Treasury and Accounts (CTA) May 23 tarik te Drawing and Disbursing Officers (DDOs) khan ke instruction dise ki etu mamla khan bisaribo lage. Finance department ekta statement te koi se ki regular aru non-regular employee khan laga data verification “ekta continuous process” ase, juntu Integrated Financial Management Information System (IFMIS) software laga dora chulai thake. Etu exercise Office of the Commissioner, Treasury and Accounts pora lead kuri ase, aru bishi instruction diya ase treasury aru disbursing officers khan ke ki employee records thik ase na nai sabole. State-level Financial Intelligence Cell (SFIC), juntu Commissioner of Treasury and Accounts under te kama kuri ase, regularly treasury pora data analyse kuri thake aru salary disbursement trends monitor kuri thake. Officials khan janai dise ki SFIC olop din age nearly 50,000 employee laga record verify kuri se, juntu khan laga salary last char month te treasury software dora pa nai. “Etu type laga case te, employee details verification DDOs dora kuri bole instruction dise ase,” koi se Commissioner laga directive te. “Etu ekta ongoing aru periodic process ase office pora chulai thaka.” December 2024 para data review kuri thaka time te aru bhi irregularities dekhaise. “Kuba employee ase juntu laga employee code valid ase, kintu retirement date enter na kura ase, aru IFMIS te exit process complete na kura ase, hoilebi bhi salary char month te utha nai,” finance department koi dise. Etu findings laga pichete, treasury officials khan ke instruction dise ki DDOs ke related data provide kuri bole aru 15 din bitore written confirmation collect kuri bole, ki reason karone salary stop hua ase etu bhi include kuri kena. “DDOs para pai thaka details Commissioner office ke submit kuri dibo,” koi se directive. “Jodi data verification time te kunba discrepancies pai jai, tate immediately report Divisional Joint Director, Treasury and Accounts laga through te pathai dibo.” Officials khan koi ase ki employee data scrutiny ekta alag audit nai, kintu “ekta standard aru ongoing administrative process ase juntu transparency aru accuracy state laga financial systems te maintain kuri bole aim ase.”