Bhopal: Madhya Pradesh te 3,000 junior doctors kaun khan para hafta oper alag-alag demand kora oper te strike kori ase, Monday din state Medical Education Minister Vishwas Sarang, logot meeting korikena protest jai thaka toh rokiboli olaishe koishe. “Tai khan para srike jai thaka toh rokishe,” koikena Sarang para PTI logot khobor toh junaishe. Sunday din minister para koishe ke government para doctors khan laga stipend toh 17 per cent te othaboli manikena ase koishe. Madhya Pradesh pura te 6 medical colleges laga Junior doctors khan para stipend aro COVID-19 elaj toh free para doctors aro tai khan laga ghor manuh nemite thiboli koishe. MP Junior Doctors Association (JUDA) laga delegation khan para Sarang logot chite lekina state government logot tai khan laga demand toh monjur koriboli janaishe. “ami khan para Sarangji ke lok kora beche protest kora toh rokishe,” JUDA president Arvind Meena para PTI logot khobor thishe. Etu fesla toh Monday din Madhya Pradesh High Court para junior doctors’ strike kora petition hearing thakiboli samai loishe. Jowa Thursday din Jabalpur HC’s bench para strike kora toh “illegal” ase koishe aro junior doctors khan ke 24 gonda pithor te kam koriboli janaishe. Hoilebi, protest kora junior doctors khan para 24 gonda nahowa pithor te kam korishe aro etu beche protest kora doctors khan para aro kotha toh mana nai. Junior doctors kaun para COVID-19 bemari manuh logot elaj kori ase tai khan nemite jodi bemar hoile alag jaga te beds demand korishe koishe. Doctors aro tai khan laga ghor manuh nemite elaj free hoboli lage. Bhopal te government laga Hamidia Hospital te doctors khan para koishe ke, junior doctors khan para protest kora nemite health services toh besi tangor affect hoishe. Olop din akhe, junior doctors khan para May 6 darik te strike soruh hoishe, hoilebi state government para tai laga demand toh monjur kora nemite olop gonda samai beche kam kora soruh korishe.
Add Comment