May 21, 2025, 04:49 PM: Ekta Community Ambulance Distribute kuria laga programme loishey, May 21st, 2025 tey, Neo Motors, Dimapur tey, itu Member of Parliament Local Area Development Scheme (MPLADS) under tey. Itu programme toh hoiley Dimapur laga Deputy Commissioner – Dr. Tinojongshi Chang para tatey special guest hisap thaki kena grace kurishey.
Itu jama kuria manu khan ke address kuri kena, MP, S. Supongmeren Jamir para itu unity, humility, aru accountability laga importance emphasize kurishey, Naga leader khan bhitor tey, meaningful budli aniboley karney, itu state tey. Tai para tribal Hoho khan, NGO khan aru civil society organization khan active para engage kuriboley karney koishey, aru responsibility khan assign kuriboley koishey, representative khan elect hoi kena thaka khan ke, effective participation ensure kuriboley, Parliament tey. Itu challenges khan highlight kuri kena, ekta opposition-less government laga, Nagaland tey, tai para koishey democracy dukh pai asey, eneka nishina system tey, aru tai para NGO khan ke ekta guide kuria laga aru watchdog laga role play kuriboley koishey.
Itu event toh hoiley District Programme Officer (DPO) Dimapur, N. Chuba Phom para chair kurishey, aru Phom Baptist Attoi, Diphuparl aga Associate Women Pastor – Joikap Phom para dedicatory prathana kurishey.
Charta community ambulance khan official para hand over kurishey, Ao Senden, Mokokchung; Chakhroma Public Organisation, Chümoukedima; Eastern Naga Public Union Dimapur aru Western Sumi Hoho, Niuland, Chümoukedima & Dimapur, ke.
Neo Motors laga General Manager para bhi tatey jama kuria manu khan ke address kurishey, company laga commitment emphasize kuri kena, quality service aru community support dibo koi kena.
Add Comment