KOHIMA, SEPTEMBER 16 : Directorate of Health & Family Welfare kan Measles Rubella Vaccination Campaign (MRVC) 2018 karne State Briefing Programme toh 15th September 2018 te manaise. Etubi IDSP Conference Hall, Kohima te.
Etu din te Welcome Note kotha kurikena Principal Secretary, Health & Family Welfare, I. Himato Zhimomi pora National Monitoring Team kan Dr. Debashish Roy, WHO India pora ahkete luijai kena mana ke besi khushi baa janaise. Kele tai ami kan state te ahe kena etu MRVC nemite eman bhal pora dayar nemite ki-ki janaidiya karne. Etubi October moina darek 3, 2018 te manabole thaka karne.
Tai bi etu National Team kan pora eman dak ami kan state laga sob district te jai kena sob ki-ki manaidiya aro janaidiya karne besi khushi baa janaise. Etubi eman biya rasta kan thaka majutte aro meti kerikena thaka majutte. Etu karne tai bi sob Concern Department kan ke neju-neju laga kam te dayar pora husir kurikena thakibole kuribi. Aro ekjun-ekjun ke kam mela-mele thakibole kuribi koi kena janaise. Etubi Medical Department kan logot te. Kele etu porahi etu MR nemite thik pora kam julibole kura huijabo karne koi kena.
Etu Din te Dr. Debashish Roy, WHO India porabi tai kan etu din nemite ki-ki kuribole thakise aro kinaki kurise etu kan laga bhal kotha sob janaidese. Tai bi etu MR bemar toh Nagaland te Mon District te ahke hua laga ase. Etubi 2016 sal te. Etu bejete Zunheboto aro Longleng te huise koi kena janaise. Etu karne tai kan etu Din nemite dayar karne sob ki-ki manaidiya toh sob etu Nagaland state laga sob District aro Sub-Divisional levels te punjibole karne ase koise. Tai bi tai kan Team jaa District kan toh Kohima, Wokha, Mokokchung, Dimapur, Peren, Tuensang, Zunheboto aro Mon jaise. Aro etu hisabte 73% jaka te jai kena ase koi kena janaise.
Principal Director, Dr. Vikeyie Losu pora etu din te Vote Of Thanks janaidese. Aro SIO-UIP, Dr. Atoshe Sema toh etu Debriefing Programme Moderator karne thakise koise.
Add Comment