Agencies, 16 May: Central government para Corona patients majote Mucormycosis fungal infection laga management nemite advisory deshe. Centre para fungal infection toh besi phak medication te thaka khan ke affect hoi koise aro etu para environmental pathogens te fight koribole ability namai dae koise.
Maharashtra Health Minister para statement deya hisab te, state te 2000 opor manu khan toh etu fungal infection para affect howa be hoi kena ase aro 10 jun toh etu nemite morise. Konbah patients laga sukhu andha (eyesight lost) hoise. Chhattisgarh para be black fungus infection laga 18 patientstoh AIIMS Raipur te treat kori thaka khobor janaishe.
Centre para infection toh deadly hoijabo pari koise judi etu te care nakorise koile. Etu toh besi phak COVID-19 patients with uncontrolled diabetes aro lamba samai ICU te thaka khan ke paise koise.
Mucormycosis?
Mucormycosis toh ekta black fungus infection ase aro etu toh India te deri hoikena COVID-19 patients kon ICU te lamba samai para thakise etu khan ke paise. Etu infection phela para konbah COVID survivors laga sukhu andha korise.
Mucormycosis toh ekta serious ase hoilebe etu toh samai-samai te ola fungal infection ase aro etu toh molds laga ekta group mucormycetes kowa para hoi. Etu fungi toh environment besi phak soil aro beya hoi thaka saman khan- compost piles, leaves nahoile rotten wood nahoile beya hoi thaka fruits aro vegetables nesana te thaki.
Health experts hisab te, etu toh soil aro air aro healthy manu laga nose aro mucus te be pai.
Mucormycosis para manu laga gao te kenaka affect kori?
Fungal infection para sinuses, brain aro lungs te affect kori aro etu toh diabetic nahoile severely immunocompromised – cancer patients nahoile people with HIV/AIDS nesana khan nemite jevaan khatara ase.
Konbah cases te, patients khan tai khan laga tuita sukhu andha howa thaki aro tusara cases te doctors para gao laga parts sukhu nahoile jaw bones toh hataidebole ola thaki kelay koile bemari phela te rokhabo nemite.
Besi risk patients kon ase?
Mucormycosis infection toh COVID-19 para recover hoi thaka nahoile recovered howa patients khan majote paise. Kon diabetic ase nahoile immune system thek para najoli infection thuribole ektum risk ase aro etu bemari kelaaf bachibole hobo laki.
ICMR’s advisory hisab te, nejae te janaideya conditions para COVID-19 patients ke mucormycosis infection laga risk othai dae:
-Uncontrolled diabetes
-Steroids jola para immune system komchor howa
-Lamba samai/din ICU/hospital te thaka
-Co-morbidities / post organ transplant / cancer
-Voriconazole therapy (serious fungal infections te treat kora)
Mucormycosis laga symptoms:
Centre laga advisory hisab te, manu khan nejae te janaideya warning symptoms te janibole: Sukhu nahoile naak (nose) te bekha aro lal thaka (redness); Matha bekha
Bokhar; Kashi; Khun vomits (bloody vomits); Sash khata; Mental status putli howa; Naak kaala bonaideya nahoile discoloration; Sukh para double nahoile blurred dekhar; Chest bekha; Sash lobole dukh powa; Khun (blood) olai kena kashi kora.
Mucormycosis nemite treatment:
Infection toh skin infection hisab te suru howa thakibo pari aro etu toh body laga tusara parts te phelija thakibo pari. Etu laga treatment te sob dead aro infected tissue hataideya melikena ase. Etu para konbah dangor cases te konbah body part loss howa thakibo-upper jaw nahoile eye hataideya nesana.
Anti-fungal intravenous injection toh ase aro etu toh ekala effective drug ase bemari kelaaf thek howa. Etu toh eight hapta tak patient ke hotai debo pari.
Mucormycosis te rokhabole (prevent)?
Doctors hisab te, fungal infection te prevent koribole nemite Covid-19 patients ke right dose aro steroids laga duration administered nemite sure bonabo laki. Aro discharge bechite patient’s sugar levels laga check aro care laki thaki.
AIIMS Director Randeep Guleria hisab te, steroids thek para najola toh mucormycosis ola laga dangor karan ase. Tai para hospital khan infection control practices laga protocols toh secondary infections hisab te manibole koise kelay koile fungal aro bacterial toh COVID-19 cases te pai thaka othi thaka nemite aro besi moraideya (mortality) hoi thaka nemite.
Niti Aayog Member (Health) V K Paul para ketiya ekta patient toh oxygen support te thaki, paani toh humidifier para leak nahobo nemite ensure koribo laki koise. Tai para be kon-kon ke diabetes ase sugar level te hotai control koribo laki koise. Tai para be life-saving steroids aro dawai toh lakiya hisab te jolabole nemite samjaishe.
Ekta ektum kaam laga prevention method toh COVID-19 patient te diabetes control koribole laga ase koise.
Add Comment