Mudu khai kina Baba para Chutu Bacha ke Kuwa te philai dishe

Guwahati, June 7, 2025: Assam laga Mariani, Selenghat te. Ekta jamal ulaishe koishe. Yete Ekta mudu khan baba para Maki logote jagara kurishe. Aru tai duijun laga 3 moina bacha ke Kuwa te philai dishe koishe. Etu jamala para tate thakhea manu khan ke shock kurishe. Etu manu toh Amar Boraik ase koishe. Tai toh mudu khai kina. Buri ama laga haat para bacha toh uthai kina bacha ke kuwa te philai dishe koishe. Etu jamala toh Tekla Line of Dalim Tea Estate te hoishe koishe. Local Bosti manukhan para Police khan ke khobor di dishe koishe. Yete Police khan etu jagate phat ahishe koishe. Aru etu muta ke arrest kurishe. Aru etu bacha laga body bi kuwa para ulai dishe koishe. Police khan para Murder laga case te Registered kuri dishe koishe. Aru etea taikhan Investigation khan kurea ase koishe. Etu khobor para manu bishi ke gusa uthai dishe. Aru etu manu ke strict action khan lobole janai dishe.