July 27 2024: Friday din deh West Bengal chief minister Mamata Banerjee para Ministry of External Affairs (MEA) keh wapas slam kuri shae, taila shelter offer keh object kura karne, kuto tai Bangladesh laka manu kan keh offer kuri shae.
“Mui federal structure tho bhal para janeh. Mui sath par karne MP taki shae aro tui bar Union minister taki shae. Mui MEA laka policy bhal para janeh. Taikan muike keta lesson hika nai; Taikan system laka hath para hiki bo lakegh,” Banerjee para media persons kan keh kui shae.
Tai para offer tho, annual Marytrs’ Day rally deh banai shae, July 21 din deh. “Mui Bangladesh laka affairs deh kotha kuri bo nalageh, taikan sovereign nation taka karne. Hoile b mui etu kubo pari bo. Helpless manu kan Bengal laka darwaza deh ahi shae koile tho, mui taikan keh shelter sure dibo,” Trinamool supremo para kui shae.
Banerjee laka comments tho Bangladesh deh student led anti-quota protest taka time deh ahi shae. Dr Hasan Mahmud, kun Bangladesh laka foreign affairs minister ase, tai para Banerjee laka kotha kan tho confusion tho cause kuri bo pareh kui shae.
Add Comment