Washington DC, October 28, 2023: Israeli defense minister Yoav Gallant lokot call deh taka time deh, US defense secretary Lloyd Austin para Gaza deh operations kura time deh civilians kan keh protect kuri bole lakeh kui shae , Times of Israel para Pentagon official keh quote kuri nah kui shae.
“Mukan nation karne war kili ase itia- mukan nahoileh taikan ase” Israel defense minister para X deh kui shae.
US department of defense laka isap deh, secretary Austin para Israel Defense Forces laka operations time deh civilians kan protect kuri bo lakeh kui nah zaruri ase kui shae. Tai para aro Gaza laka civilians kan karne humanitarian aid delivery phat dibo lakeh kui shae.
“Tai para b Hamas kan phat hostages kan release kuri bo lakeh kui shae,” statement para add kuri shae.
Friday rati deh, Israeli defense forces para Gaza Strip deh taikan laka ground operations aro uthai di shae. Israeli Air Force laka alak alak air strikes kan b kuri shae ground operations keh moto kuri bole. News report laka isap deh, Gaza laka jaka deh Internet, phone services kan doen ase kui shae. Tui din karne IDF infantry forces aro tanks kan limited operations conduct kuri shae Gaza Strip deh.
“Hamla laka upor deh, ground forces kan b taikan laka activity uthai ase shaam deh. IDF tho great force lokot act kuri ase war laka objectives tho achieve kuri bole,” IDF spokeperson para kui shae.
Add Comment