New Delhi, September 30 : Mukesh Khanna para recently Ranveer Singh ke Shaktimaan laga role nimitey consider kurisiley koikina kuwa report ke address kurisey. Mukesh Khanna, kun para poila te etu khobor ke deny(manibole para inkaar) kurisiley, tai para etya tailaga faisla laga picheyte ki karon thakisey etu explain kurisey. Bollywood Thikana logotey kora ekta interview te, Mukesh para koisey ki Ranveer laga lengta photoshoot tu ekta karon thakisey kuntu nimitey tai Ranveer ke etu role te cast kuribole mon thakanai. Mukesh ke jitya tai Ranveer ke lok kora laga bari te hudisiley aro tai para kinimitey Ranveer tu Shaktimaan laga role kuribole thik nai bhabey koikina huda homoitey, tai para enaka koisey, “Ami dusra laga naam noloi kilemaney ami kun actor laga bari te bi biya kobo nalagey. Manu khan gusa uthijai. Hoilebi etya sob manu para bi janikina asey ki Ranveer Singh para amikey convince kuribole(manabole) ahisiley. Ami etu lukabo naparey ki ami para taikey ekta ‘jordar actor’ matisey aro tailaga ‘energy’ laga tarif kurisey. Manu khan para social media te picture post kora suru hoisey, jaiseki Ranveer tu Shaktimaan laga role kuribole nimitey finalise huwa nisna. Ami laga Sony logotey contract asey aro ami para etu te faisla noloikina thakisey, ami para ekta video post kurisiley kotey ami para koisey ki ami para lead actor laga bari te eku bi kuwanai etu nimitey olop rukhibi.” Tai para agey barikina koisey, “Utu bichara manu(Ranveer Singh) tu amilaga ageyte 3 ghonta buhi thakisey. Hoilebi tailaga chehra te Shaktimaan laga role kuribole karney ki lagey etu dikhibo naparey. Tai tu kunba ke thogabole thaka nisna chanchal dikhey.
Mukesh Khanna para koisey, Ranveer Singh para Shaktimaan laga role kuribole nimitey 3 ghonta taak taikey manabole kosis kurisey
Add Comment