Mukhtar gang shooter Anuj Kanaujia ke te murai dishey, STF DySp jokom hoishey

Lucknow, 30 March 2025: 50 saal Anuj Kanaujia, ekta sharpshooter Mukhtar Ansari gang laka, taike murai dishey police encounter deh Jamshedpur te Saturday din rati te, UPSTF pra janai dishey. Kanaujia, kun pass saal pra run te thaki shey, taike 23 criminal cases te wanted thaki shey, murder, extortion, land grabbing aro arms smuggling milai kina. UP DGP Prashant Kumar pra recently tai laka bounty uthai dishey Rs 1lakh pra Rs 2.5 lakh tak kila information hoileh b kun toh tai laka arrest te madat kuribo. Operation toh specific information opor te launch kuri shey. Police team khan taike dhuribo leh koshis kura time te, Kanaujia pra goli mari shey. 20 rounds nishina mari shey aro bomb b phikai shey polabo koshis kura time te.