Mukul Goodwood bungalow pora olaijaishe

TNT News | SHILLONG, September 9, 2018: Porana cheif minister Mukul Sangma Goodwood Bunglow pora olaishe.Tai olaikena etia laga cheif minister Conrad Sangma ghussibole ase.Etia laga MDA sorkar khan laga minister khan ke etu bunglow toh dibole laga ase .Mukul etu pichede Sherwood Bunglow te jaishe etu bunglow toh poila te  porana  chief minister DD Lapang bui thakishe GAD Minister Comingone Ymbon khobor dishe Zenith Sangma  kun ke etu  Lumpynngad, Motinagar, te thaka bunglow dia toh tai laga saaman khan rakhidi ase aro tai sorkar pora diya bunglow pora joldi olabole  ase.Ministers khan sorkar laga bunglow pora olaijaaa laga mechanism te kotha kuwa time te nutun sorkar ola pichede Ymbon koishe “Okobi mechanism nai hoilebi sob porana ministers khan etu ghor te charibole lageh dui tin moina bithor te nutun sorkar ola pichede.Etu duita sorkar laga bunglow pora olabole lagibo nutun cheif minister aro education minister ke ghussibole karne . Chief minister Conrad Sangma 4th Mile, Upper Shillong laga ghor te hi bui thakishe hoilebi tai etu nutun bunglow te ghussibole lageh , Education Minister Lahkmen Rymbui  khobor paa hisaab te tai ghor bhara te bui thakishe kile koile tai ke bunglow dia te Zenith bui thaka karne.