Kohima, February 22, 2026: Supervisors, Sardars aro Multi-Tasking Staff (MTS), Peons. Chowkidars, Sweepers aro Malis khan karne training thake she, Conference Hall, Nagaland Civil Secretariat te, February 23, 2026 laga din te. Training toh Secretariat Administration Branch “B”, Home Department, Government of Nagaland, para organize kurea ase Living for Environment (LIFE) NGO khan logo te.
Secretary Home, Elizabeth Ngullie para koi she ki, etia dunia eman juldi alak ho te, training khan de thake bole lagea sob manu ke, tai khan ke updated rukhe bole aro tai khan laga skill bhal kure bole. Tai aro koi she ki MTS manu khan, sapa kurea, photocopy bana, records khan rukhea, office saman khan chola, aro general office khan te modok kurea, etu khan sob mun de kena kure bole lagea.Tai aro koi she ki, government saman khan thik rukhe bole lagea, staff khan ke office laga saman khan ghor te wapas loi naja be koi she. Aro electric saman khan cholai time te bhal para sai kena chola be koi she, jui khan shuru naho bole karne.
Aro tai koi she ki MTS khan APAR forms khan hodai sal lekhe kena de bole lagea, thik time te de bole pare she koile toh records khan process kure bole aram hoi jai, aro thik time te promotion be de bole pare bo.
Add Comment