Adani-froup laka Mumbai International Airport Limited (MIAL) khan notice dishe Air India khe tai khan mati kuntoh tai khan laka operations teh nai surrender kuriboleh. Aro airline laka chartah staff colonies tateh 1,600 familes thaka bi khetai ase.
Etu notice March 11 teh dishe, ek moinah Tata Sons khe deh piche. Tai khan Air India khe review kuriboleh kuishe aairport mati chola teh.
MAIL khan airlines khe 45 din notice dishe etu actions maniboleh. Tai khan kuishe etu kotha maneh nai kuileh tai khan airline aro tai laka kaam kureh manu khan khe airport teh aro mati cholabo nadibo aro ahibo nadibo kuishe.
Mumbai Airport laka kaam karneh political parties khan municipal election ageh etu hatsah teh hisa loi ase. Sunday din teh Shiv Sena MP Gajanan Kirtikar para party support Air India employees khe deh ase kuishe kun nijor ghor para khetai dibo lnishena thaka khan. Kirtikar kuishe party khan protest kuriboleh tayar ase Adani group karneh. NCP laka purana legislator Vidya Chavan para Maharastra government khe etu hatsa teh ahiboleh matishe.
Air India aro Adani group khan etu hatsa laka email hoda hudi teh eku koa nai. Air India khan MIAL khan laka right vacation issue kuriboleh hudishe.
MAIL hisab teh , Air India khan 750,000 square metres airport mati Kalina aro Sahar area Mumbai teh cholai ase kuishe. Etu teh office, cargo warehouse, ramp operation office, housing colonies, sports club aro khali mati khan bi ase ground service equipment karneh.
Tai khan laka notice teh MAIL khan kuishe kunba homoi teh tai khan Air India aro civil aviation ministry lokot kotha kureh mati surrender kuriboleh. Air India khan kunba airport space aro mati khan surrender kuriboleh kuishe hoileh etu kotha teh paka thakeh nai.
Add Comment