Mumbai BMW crash: CCTV para Mihir Shah polai jah dikai shae

July 8, 2024: Deadly BMW crash, kuto Mumbai deh hui shae, etu case deh ekta CCTV camera footage online deh surface hui jai shae. CCTV footage deh Mihir Shah, taila chartha sathi lokot deh ekta pub para olai jah dikai shae. Utu pub para olai nah taikan ekta Mercedes gari deh gusi nah olai jai shae. Etu kan tho taikan, accident tho online deh surface nahua time deh kuri shae. Mumbai Police laka isap deh, Mihir Shah- kun Shib Sena laka deputy leader, Rajesh Shah laka bacha ase, tai piche deh gari change kuri shae kui shae aro BMW tho chulai taki shae kui shae. Police para aro driver tho passenger seat deh taki shae kui shae. Mumbai Police para 24 sal mota laka against ekta Look Out Circular (LOC) issue kuri nah ase. Shah, kun case laka main suspect ase, tai allegedly, BMW gari tho chulai taki shae. Aro chulai nah ekta scooter deh bui taka couple keh lakai di shae. Lakai di nah ekta 45 sal laka maike keh murai di shae. Etu incident tho Sunday din deh hui shae, Worli jaka deh. Police para Mihir Shah, kun Class 10 tak puri nah education kita nai, tai enaka time deh drunk taki shae kui nah suspect kuri ase.