Mumbai hit-and-run: Mihir Shah aro taila driver face to face bui shae

July 11, 2024: Thursday din deh Mumbai police para Mumbai BMW hit and run case laka events tho recreate kuri shae, Worli deh taka CJ House deh. Taikan para etu events kan tho main accused, Mihir Shah laka osor deh kuri shae. Mihir Shah tho Shiv Sena leader, Rajesh Shah laka bacha ase. Police para Shah aro taila driver, Rajrishi Bidawat keh face to face buhi bole di shae, interrogation kura time deh. Enaka time deh, taijun b crime tho confess kuri shae.  Police laka isap deh, Shah para crash hua time deh, gari tho chulai taki shae kui nah confess kuri shae. Crash deh Kaveri Nakhwa muri jaiu shae aro taila mota, Pradeep, kun scooter tho chulai taki shae, tai tho jokom kai shae. Police para accuse tho jani taki shae kui shae, maike tho gari laka ekta tire deh basi nah taki shae kui nah, hoile b tai ruka nai kui shae. Interrogation time deh, Shah para police keh tai tho repent kuri ase kui shae. Police para Shah keh Tuesday din deh arrest kuri shae, Mumbai laka Virar jaka para. Police laka isap deh, Shah aro taila sathi kan, Juhu deh taka ekta bar deh party kuri taki shae. Enaka time deh taikan modu kai shae. Report isap deh, accuse aro taila sathi kan para total 12 whiskey pegs kai shae.