Mumbai, 2 April : Tai 14 thakishey. Kitia bhi school jainai. Aro tai laga agey period ahishey. Jutu taike tai laga ama para smjaishey ki itu “normal” asey, itu maiki ek din piche dey aathmatia kurina muri jaishey, “stress” ke handle kuriboley naparia karoney, kuishey khantan.
Itu Mumbai maiki laga maut, kun Malad dey ekta chawl dey thaki thakishey, March 26 dey period awareness laga ekta national conversation shuru kurishey.
“Tai stress andar dey thakishey. Muikhan taike ekela nachariboley lagi thakishey. Dard thakishey; ki huishey tai nabujina thakisheh. Mui taike itu normal asey kuina kuishey. Huilewi mui jaani thakianai ki tai eman dangor step ekta luwo,” tai laga ama para NDTV ke kuishey.
Cops kuishey ki takkhan neighbours laga statement ke record kuri asey aro itu matter dey investigate kuribo.
Sumita Belare, kun bishi saal karney itu eki area dey health issues upar dey kaam kuri asey, kuishey ki mahila aro maiki khan period nahuiley menstruation laga khota kuwoley sorom khai.
Itu toh bishi important aro zindagi laga basic cheez asey kuntu school curriculum dey mandatory panai diwo lagey, kuishey Prateek Thorat, ekta teacher.
Add Comment