Mumbai Open tennis matches postponed hoise

Agencies, 28 October: Monday din $125,000 L&T Mumbai Open laga main draw match thakibo thaga toh postponed hoise. Kelay koile etu din eki jaga dehe India aro West Indies majode fourth ODI thaga karni.   Mumbai Open tournament laga directors, Prashant Sutar aro Sunder Iyer pora Sunday din kowah toh, India v/s West Indies match majode khelibole laga deh eku hatsa nahobo karni organisers aro WTA officials pora main draw match toh Tuesday din suru hobole koridese koise. Etu agae halta tournament suru howah time deh Maharashtra State Lawn Tennis Association Secretary pora konbah match postpone koribole kotha kowah thakise. Tai pora etu bechide kowah toh, Monday din besi match khelibole thaga toh komti hobole ase aro cricket match deh eku chamala nahobo karni match toh morning session time deh khelibo. Tai pora be aro kowah toh, etu nemide Women’s Tennis Association (WTA) logodebe kotha kora thakise.