June 1, 2024: Saturday din deh Navi Mumbai Police para notorious Larence Bishnoi gang laka chartha members keh arrest kuri shae, kun kan Bollywood star Salman Khan laka gari keh hamla kuri bole plan kuri taki shae. 17 manu laka against FIR register kuri nah ase etu case deh, tateh Lawrence Bishnoi, Anmol Bishnoi, Sampat Nehra aro Goldy Brar ase.
Reports laka isap deh, police para dura accused tho Pakistan laka jaka para weapons source kuri bole plan kuri taki shae. Source kuri nah taikan Salman Khan laka against hamla kuri nah Sri Lanka deh pola bole plan kuri taki shae.
Mumbai Police para arrest kura charjun laka nam tho etu kan ase: Dhananjay alias Ajay Kashyap, Gaurav Bhatia alias Nahvi, Waspi Khan alias Wasim Chikna aro Rizwan Khan alias Javed Khan.
Accused tho Salman Khan laka ghor aro farmhouse deh information jama kuri nah taki shae, hamla tho kuri bo karne, police para kui shae. Accused Ajay Kashyap tho video call para Pakistan deh taka Dogar laka nam deh ekta manu keh contact kuri shae aro neighboring country para Ak-47 nishi nah weapons kan order kuri shae.
Lawrence Bishnoi aro Sampat Nehra laka gang para 60 -70 manu nishi nah Mumbai, Ralgad, Navi Mumbai, Pune aro Gujarat jaka para ahi nah taki shae kui nah Police kan information pai shae. Aro Police kan itia Salman kan keh check kuri ase.
Source:”
Add Comment